121 שִׁ֗יר לַֽמַּ֫עֲל֥וֹת אֶשָּׂ֣א ֖עֵינַי אֶל־הֶהָרִ֑ים ֜מֵאַ֗יִן יָבֹ֥א עֶזְרִֽי׃
2 ֖עֶזְרִי מֵעִ֣ם יְהוָ֑ה ֜עֹשֵׂ֗ה שָׁמַ֥יִם וָאָֽרֶץ׃
3 אַל־יִתֵּ֣ן לַמּ֣וֹט רַגְלֶ֑ךָ אַל־֜יָנ֗וּם שֹֽׁמְרֶֽךָ׃
4 הִנֵּ֣ה לֹֽא־֖יָנוּם וְלֹ֣א יִישָׁ֑ן ֜שׁוֹמֵ֗ר יִשְׂרָאֵֽל׃
5 יְהוָ֥ה שֹׁמְרֶ֑ךָ יְהוָ֥ה ֜צִלְּךָ֗ עַל־יַ֥ד יְמִינֶֽךָ׃
6 יוֹמָ֗ם הַשֶּׁ֥מֶשׁ לֹֽא־יַכֶּ֗כָּה וְיָרֵ֥חַ בַּלָּֽיְלָה׃
7 יְֽהוָ֗ה יִשְׁמָרְךָ֥ מִכָּל־רָ֑ע ֜יִשְׁמֹ֗ר אֶת־נַפְשֶֽׁךָ׃
8 יְֽהוָ֗ה יִשְׁמָר־צֵאתְךָ֥ וּבוֹאֶ֑ךָ ֜מֵֽעַתָּ֗ה וְעַד־עוֹלָֽם׃