128 שִׁ֗יר הַֽמַּ֫עֲל֥וֹת ֖אַשְׁרֵי כָּל־יְרֵ֣א יְהוָ֑ה ֜הַהֹלֵ֗ךְ בִּדְרָכָֽיו׃
2 יְגִ֣יעַ ֖כַּפֶּיךָ כִּ֣י תֹאכֵ֑ל ֜אַשְׁרֶ֗יךָ וְט֣וֹב לָֽךְ׃
3 אֶשְׁתְּכָ֤| כְּגֶ֥פֶן פֹּרִיָּה֘ בְּיַרְכְּתֵ֪י בֵ֫יתֶ֥ךָ ֖בָּנֶיךָ כִּשְׁתִלֵ֣י זֵיתִ֑ים ֜סָבִ֗יב לְשֻׁלְחָנֶֽךָ׃
4 הִנֵּ֣ה כִי־֖כֵן יְבֹ֥רַךְ גָּ֗בֶר יְרֵ֣א יְהוָֽה׃
5 יְבָרֶכְךָ֥ יְהוָ֗ה מִצִּ֫יּ֥וֹן ֖וּרְאֵה בְּט֣וּב יְרוּשָׁלִָ֑ם ֜כֹּ֗ל יְמֵ֣י חַיֶּֽיךָ׃
6 וּרְאֵֽה־בָנִ֥ים לְבָנֶ֑יךָ ֜שָׁל֗וֹם עַל־יִשְׂרָאֵֽל׃