23 מִזְמ֥וֹר לְדָוִ֑ד יְהוָ֥ה ֜רֹעִ֗י לֹ֣א אֶחְסָֽר׃
2 בִּנְא֣וֹת ֖דֶּשֶׁא יַרְבִּיצֵ֑נִי עַל־מֵ֖י מְנֻח֣וֹת יְנַהֲלֵֽנִי׃
3 נַפְשִׁ֥י יְשׁוֹבֵ֑ב יַֽנְחֵ֥נִי בְמַעְגְּלֵי־֝צֶ֗דֶק לְמַ֣עַן שְׁמֽוֹ׃
4 גַּ֤ם כִּֽי־אֵלֵ֨ךְ בְּגֵ֪יא צַלְמָ֡וֶת לֹא־אִ֮ירָ֚א רָ֗ע כִּי־אַתָּ֥ה עִמָּדִ֑י שִׁבְטְךָ֥ ֜וּמִשְׁעַנְתֶּ֗ךָ הֵ֣מָּה יְנַֽחֲמֻֽנִי׃
5 תַּעֲרֹ֬ךְ לְפָנַ֙י| שֻׁלְחָ֗ן נֶ֥גֶד צֹרְרָ֑י דִּשַּׁ֖נְתָּ בַשֶּׁ֥מֶן ֜רֹאשִׁ֗י כּוֹסִ֥י רְוָיָֽה׃
6 אַ֤ךְ| ט֚וֹב וָחֶ֣סֶד ֖יִרְדְּפוּנִי כָּל־יְמֵ֣י חַיָּ֑י וְשַׁבְתִּ֥י בְּבֵית־֜יְהוָ֗ה לְאֹ֣רֶךְ יָמִֽים׃