99 יְהוָ֣ה ֖מָלָךְ יִרְגְּז֣וּ עַמִּ֑ים יֹשֵׁ֥ב ֜כְּרוּבִ֗ים תָּנ֥וּט הָאָֽרֶץ׃
2 ֖יְהוָה בְּצִיּ֣וֹן גָּד֑וֹל וְרָ֥ם ֜ה֗וּא עַל־כָּל־הָֽעַמִּֽים׃
3 יוֹד֣וּ ֖שִׁמְךָ גָּד֥וֹל וְנוֹרָ֗א קָד֥וֹשׁ הֽוּא׃
4 וְעֹ֥ז מֶלֶךְ֘ מִשְׁפָּ֪ט אָ֫הֵ֥ב ֖אַתָּה כּוֹנַ֣נְתָּ מֵישָׁרִ֑ים מִשְׁפָּ֥ט ֜וּצְדָקָ֗ה בְּיַעֲקֹ֤ב| אַתָּ֬ה עָשִֽׂיתָ׃
5 רֽוֹמְמ֡וּ יְה֮וָ֤ה אֱלֹהֵ֗ינוּ ֖וְֽהִשְׁתַּחֲווּ לַהֲדֹ֥ם רַגְלָ֗יו קָד֥וֹשׁ הֽוּא׃
6 מֹ֮שֶׁ֤ה וְאַהֲרֹ֨ן| בְּֽכֹהֲנָ֗יו ֖וּשְׁמוּאֵל בְּקֹרְאֵ֣י שְׁמ֑וֹ קֹרִ֥אים אֶל־֜יְהוָ֗ה וְה֣וּא יַעֲנֵֽם׃
7 בְּעַמּ֣וּד ֖עָנָן יְדַבֵּ֣ר אֲלֵיהֶ֑ם שָׁמְר֥וּ ֜עֵדֹתָ֗יו וְחֹ֣ק נָֽתַן־לָֽמוֹ׃
8 יְהוָ֣ה אֱלֹהֵינוּ֘ אַתָּ֪ה עֲנִ֫יתָ֥ם אֵ֣ל ֖נֹשֵׂא הָיִ֣יתָ לָהֶ֑ם ֜וְנֹקֵ֗ם עַל־עֲלִילוֹתָֽם׃
9 רֽוֹמְמ֡וּ יְה֮וָ֤ה אֱלֹהֵ֗ינוּ ֖וְהִֽשְׁתַּחֲווּ לְהַ֣ר קָדְשׁ֑וֹ כִּֽי־֝קָד֗וֹשׁ יְהוָ֥ה אֱלֹהֵֽינוּ׃