25 ֖וַיַּעַן בִּלְדַּ֥ד הַשֻּׁחִ֗י וַיֹּאמַֽר׃
2 הַמְשֵׁ֣ל וָפַ֣חַד עִמּ֑וֹ עֹשֶׂ֥ה ֜שָׁל֗וֹם בִּמְרוֹמָֽיו׃
3 הֲיֵ֣שׁ ֖מִסְפָּר לִגְדוּדָ֑יו וְעַל־֜מִ֗י לֹא־יָק֥וּם אוֹרֵֽהוּ׃
4 וּמַה־יִּצְדַּ֣ק אֱנ֣וֹשׁ עִם־אֵ֑ל וּמַה־֜יִּזְכֶּ֗ה יְל֣וּד אִשָּֽׁה׃
5 הֵ֣ן עַד־֖יָרֵחַ וְלֹ֣א יַאֲהִ֑יל ֜וְכוֹכָבִ֗ים לֹא־זַכּ֥וּ בְעֵינָֽיו׃
6 ֖אַף כִּֽי־אֱנ֣וֹשׁ רִמָּ֑ה וּבֶן־֜אָדָ֗ם תּוֹלֵעָֽה׃