22 נִבְחָ֣ר ֖שֵׁם מֵעֹ֣שֶׁר רָ֑ב מִכֶּ֥סֶף ֜וּמִזָּהָ֗ב חֵ֣ן טֽוֹב׃
2 עָשִׁ֣יר וָרָ֣שׁ נִפְגָּ֑שׁוּ עֹשֵׂ֖ה כֻלָּ֣ם יְהוָֽה׃
3 עָר֚וּם| רָאָ֣ה רָעָ֣ה ויסתר ֯ ֜וּפְתָיִ֗ים עָבְר֥וּ וְֽנֶעֱנָֽשׁוּ׃
4 עֵ֣קֶב ֖עֲנָוָה יִרְאַ֣ת יְהוָ֑ה עֹ֖שֶׁר וְכָב֣וֹד וְחַיִּֽים׃
5 צִנִּ֣ים ֖פַּחִים בְּדֶ֣רֶךְ עִקֵּ֑שׁ שׁוֹמֵ֥ר ֜נַפְשׁ֗וֹ יִרְחַ֥ק מֵהֶֽם׃
6 חֲנֹ֣ךְ ֖לַנַּעַר עַל־פִּ֣י דַרְכּ֑וֹ גַּ֥ם כִּֽי־֝יַזְקִ֗ין לֹֽא־יָס֥וּר מִמֶּֽנָּה׃
7 ֖עָשִׁיר בְּרָשִׁ֣ים יִמְשׁ֑וֹל וְעֶ֥בֶד ֜לוֶֹ֗ה לְאִ֣ישׁ מַלְוֶֽה׃
8 זוֹרֵ֣עַ ֖עַוְלָה יקצור ֯ וְשֵׁ֖בֶט עֶבְרָת֣וֹ יִכְלֶֽה׃
9 טֽוֹב־֖עַיִן ה֣וּא יְבֹרָ֑ךְ כִּֽי־נָתַ֖ן מִלַּחְמ֣וֹ לַדָּֽל׃
10 גָּ֣רֵֽשׁ ֖לֵץ וְיֵצֵ֣א מָד֑וֹן ֜וְיִשְׁבֹּ֗ת דִּ֣ין וְקָלֽוֹן׃
11 אֹהֵ֥ב טהור ֯ חֵ֥ן ֜שְׂפָתָ֗יו רֵעֵ֥הוּ מֶֽלֶךְ׃
12 עֵינֵ֣י ֖יְהוָה נָ֣צְרוּ דָ֑עַת ֜וַיְסַלֵּ֗ף דִּבְרֵ֥י בֹגֵֽד׃
13 אָמַ֣ר ֖עָצֵל אֲרִ֣י בַח֑וּץ בְּת֥וֹךְ ֜רְחֹב֗וֹת אֵֽרָצֵֽחַ׃
14 שׁוּחָ֣ה ֖עֲמֻקָּה פִּ֣י זָר֑וֹת זְע֥וּם ֜יְהוָ֗ה יפול ֯׃
15 ֖אִוֶּלֶת קְשׁוּרָ֣ה בְלֶב־נָ֑עַר שֵׁ֥בֶט ֜מוּסָ֗ר יַרְחִיקֶ֥נָּה מִמֶּֽנּוּ׃
16 עֹ֣שֵֽׁק ֖דָּל לְהַרְבּ֣וֹת ל֑וֹ נֹתֵ֥ן ֜לְעָשִׁ֗יר אַךְ־לְמַחְסֽוֹר׃
17 הַ֥ט אָזְנְךָ֗ ֖וּשְׁמַע דִּבְרֵ֣י חֲכָמִ֑ים ֜וְלִבְּךָ֗ תָּשִׁ֥ית לְדַעְתִּֽי׃
18 כִּֽי־֖נָעִים כִּֽי־תִשְׁמְרֵ֣ם בְּבִטְנֶ֑ךָ יִכֹּ֥נוּ ֜יַחְדָּ֗ו עַל־שְׂפָתֶֽיךָ׃
19 לִהְי֣וֹת ֖בַּיהוָה מִבְטַחֶ֑ךָ הוֹדַעְתִּ֖יךָ הַיּ֣וֹם אַף־אָֽתָּה׃
20 הֲלֹ֚א כָתַ֣בְתִּי ֖לְךָ שׁלשׁום ֯ בְּמ֖וֹעֵצ֣וֹת וָדָֽעַת׃
21 לְהוֹדִֽיעֲךָ֗ קֹ֭שְׁטְ אִמְרֵ֣י אֱמֶ֑ת לְהָשִׁ֥יב אֲמָרִ֥ים ֜אֱמֶ֗ת לְשֹׁלְחֶֽיךָ׃
22 אַֽל־תִּגְזָל־֖דָּל כִּ֣י דַל־ה֑וּא וְאַל־תְּדַכֵּ֖א עָנִ֣י בַשָּֽׁעַר׃
23 כִּֽי־֖יְהוָה יָרִ֣יב רִיבָ֑ם וְקָבַ֖ע אֶת־קֹבְעֵיהֶ֣ם נָֽפֶשׁ׃
24 אַל־֖תִּתְרַע אֶת־בַּ֣עַל אָ֑ף וְאֶת־אִ֥ישׁ ֜חֵמוֹת לֹ֣א תָבֽוֹא׃
25 פֶּן־תֶּאֱלַ֥ף ארחתו ֯ וְלָקַחְתָּ֖ מוֹקֵ֣שׁ לְנַפְשֶֽׁךָ׃
26 אַל־תְּהִ֥י בְתֹֽקְעֵי־כָ֑ף ֜בַּעֹרְבִ֗ים מַשָּׁאֽוֹת׃
27 אִם־אֵֽין־לְךָ֥ לְשַׁלֵּ֑ם לָ֥מָּה יִקַּ֥ח ֜מִשְׁכָּבְךָ֗ מִתַּחְתֶּֽיךָ׃
28 אַל־֖תַּסֵּג גְּב֣וּל עוֹלָ֑ם אֲשֶׁ֖ר עָשׂ֣וּ אֲבוֹתֶֽיךָ׃
29 חָזִ֡יתָ אִ֤ישׁ| מָ֮הִ֤יר בִּמְלַאכְתּ֗וֹ לִֽפְנֵֽי־מְלָכִ֥ים יִתְיַצָּ֑ב בַּל־֜יִתְיַצֵּב לִפְנֵ֥י חֲשֻׁכִּֽים׃