100 מִזְמ֥וֹר לְתוֹדָ֑ה הָרִ֥יעוּ ֜לַיהוָ֗ה כָּל־הָאָֽרֶץ׃
2 עִבְד֣וּ אֶת־יְהוָ֣ה בְּשִׂמְחָ֑ה בֹּ֥אוּ ֜לְפָנָ֗יו בִּרְנָנָֽה׃
3 דְּע֗וּ כִּֽי־יְהוָה֘ ה֚וּא אֱלֹ֫הִ֥ים הֽוּא־֖עָשָׂנוּ ולא ֯ אֲנַ֑חְנוּ ֜עַמּ֗וֹ וְצֹ֣אן מַרְעִיתֽוֹ׃
4 בֹּ֚אוּ שְׁעָרָ֨יו| בְּתוֹדָ֗ה חֲצֵרֹתָ֥יו בִּתְהִלָּ֑ה הֽוֹדוּ־֜ל֗וֹ בָּרֲכ֥וּ שְׁמֽוֹ׃
5 כִּי־ט֣וֹב ֖יְהוָֹה לְעוֹלָ֣ם חַסְדּ֑וֹ וְעַד־דֹּ֥ר ֜וָדֹ֗ר אֱמוּנָתֽוֹ׃