101 לְדָוִ֗ד מִ֫זְמ֥וֹר חֶֽסֶד־וּמִשְׁפָּ֥ט אָשִׁ֑ירָה לְךָ֖ יְהוָ֣ה אֲזַמֵּֽרָה׃
2 אַשְׂכִּ֤ילָה| בְּדֶ֬רֶךְ תָּמִ֗ים ֖מָתַי תָּב֣וֹא אֵלָ֑י אֶתְהַלֵּ֥ךְ בְּתָם־֜לְבָבִ֗י בְּקֶ֣רֶב בֵּיתִֽי׃
3 לֹֽא־אָשִׁ֨ית| לְנֶ֥גֶד עֵינַ֗י דְּֽבַר־בְּלִ֫יָּ֥עַל עֲשֹֽׂה־סֵטִ֥ים שָׂנֵ֑אתִי לֹ֖א יִדְבַּ֣ק בִּֽי׃
4 לֵבָ֣ב ֖עִקֵּשׁ יָס֣וּר מִמֶּ֑נִּי ֜רָ֗ע לֹ֣א אֵדָֽע׃
5 מלושׁני ֯ בַסֵּ֨תֶר| רֵעֵהוּ֘ אוֹת֪וֹ אַ֫צְמִ֥ית גְּֽבַהּ־֖עֵינַיִם וּרְחַ֣ב לֵבָ֑ב ֜אֹת֗וֹ לֹ֣א אוּכָֽל׃
6 עֵינַ֤י| בְּנֶֽאֶמְנֵי־אֶרֶץ֘ לָשֶׁ֪בֶת עִמָּ֫דִ֥י ֖הֹלֵךְ בְּדֶ֣רֶךְ תָּמִ֑ים ֜ה֗וּא יְשָׁרְתֵֽנִי׃
7 לֹֽא־יֵשֵׁ֨ב| בְּקֶ֥רֶב בֵּיתִי֘ עֹשֵׂ֪ה רְמִ֫יָּ֥ה דֹּבֵ֥ר שְׁקָרִ֑ים לֹֽא־֜יִכּ֗וֹן לְנֶ֣גֶד עֵינָֽי׃
8 לַבְּקָרִ֗ים אַצְמִ֥ית כָּל־רִשְׁעֵי־אָ֑רֶץ לְהַכְרִ֥ית מֵֽעִיר־֜יְהוָ֗ה כָּל־פֹּ֥עֲלֵי אָֽוֶן׃