11 לַמְנַצֵּ֗חַ לְדָ֫וִ֥ד בַּֽיהוָ֙ה| חָסִ֗יתִי ֖אֵיךְ תֹּאמְר֣וּ לְנַפְשִׁ֑י נודו ֯ הַרְכֶ֥ם צִפּֽוֹר׃
2 כִּ֤י הִנֵּ֤ה הָרְשָׁעִ֡ים יִדְרְכ֬וּן קֶ֗שֶׁת כּוֹנְנ֣וּ חִצָּ֣ם עַל־יֶ֑תֶר לִיר֥וֹת בְּמוֹ־֜אֹ֗פֶל לְיִשְׁרֵי־לֵֽב׃
3 כִּ֣י ֖הַשָּׁתוֹת יֵֽהָרֵס֑וּן ֜צַדִּ֗יק מַה־פָּעָֽל׃
4 יְהוָ֤ה| בְּֽהֵ֮יכַ֤ל קָדְשׁ֗וֹ יְהוָה֘ בַּשָּׁמַ֪יִם כִּ֫סְא֥וֹ עֵינָ֥יו יֶחֱז֑וּ עַפְעַפָּ֥יו ֜יִבְחֲנ֗וּ בְּנֵ֣י אָדָֽם׃
5 יְהוָה֘ צַדִּ֪יק יִ֫בְחָ֥ן ֖וְרָשָׁע וְאֹהֵ֣ב חָמָ֑ס שָֽׂנְאָ֥ה נַפְשֽׁוֹ׃
6 יַמְטֵ֥ר עַל־רְשָׁעִ֗ים פַּ֫חִ֥ים אֵ֣שׁ ֖וְגָפְרִית וְר֥וּחַ זִלְעָפ֗וֹת מְנָ֣ת כּוֹסָֽם׃
7 כִּֽי־צַדִּ֣יק ֖יְהוָה צְדָק֣וֹת אָהֵ֑ב ֜יָשָׁ֗ר יֶחֱז֥וּ פָנֵֽימוֹ׃