112 הַ֥לְלוּ יָ֙הּ| אַשְׁרֵי־֖אִישׁ יָרֵ֣א אֶת־יְהוָ֑ה ֜בְּמִצְוֹתָ֗יו חָפֵ֥ץ מְאֹֽד׃
2 גִּבּ֣וֹר ֖בָּאָרֶץ יִהְיֶ֣ה זַרְע֑וֹ ֖דּוֹר יְשָׁרִ֣ים יְבֹרָֽךְ׃
3 הוֹן־וָעֹ֥שֶׁר בְּבֵית֑וֹ ֜וְצִדְקָת֗וֹ עֹמֶ֥דֶת לָעַֽד׃
4 זָ֮רַ֚ח בַּחֹ֣שֶׁךְ א֖וֹר לַיְשָׁרִ֑ים חַנּ֖וּן וְרַח֣וּם וְצַדִּֽיק׃
5 טֽוֹב־֖אִישׁ חוֹנֵ֣ן וּמַלְוֶ֑ה יְכַלְכֵּ֖ל דְּבָרָ֣יו בְּמִשְׁפָּֽט׃
6 כִּֽי־לְעוֹלָ֥ם לֹא־יִמּ֑וֹט לְזֵ֥כֶר ֜עוֹלָ֗ם יִהְיֶ֥ה צַדִּֽיק׃
7 מִשְּׁמוּעָ֣ה ֖רָעָה לֹ֣א יִירָ֑א נָכ֥וֹן ֜לִבּ֗וֹ בָּטֻ֥חַ בַּיהוָֽה׃
8 סָמ֣וּךְ ֖לִבּוֹ לֹ֣א יִירָ֑א עַ֖ד אֲשֶׁר־יִרְאֶ֣ה בְצָרָֽיו׃
9 פִּזַּ֤ר| נָ֮תַ֤ן לָאֶבְיוֹנִ֗ים ֖צִדְקָתוֹ עֹמֶ֣דֶת לָעַ֑ד ֜קַרְנ֗וֹ תָּר֥וּם בְּכָבֽוֹד׃
10 רָ֮שָׁ֤ע יִרְאֶ֨ה| וְכָעָ֗ס שִׁנָּ֣יו יַחֲרֹ֣ק וְנָמָ֑ס תַּאֲוַ֖ת רְשָׁעִ֣ים תֹּאבֵֽד׃