122 שִׁ֥יר הַֽמַּעֲל֗וֹת לְדָ֫וִ֥ד ֖שָׂמַחְתִּי בְּאֹמְרִ֣ים לִ֑י בֵּ֖ית יְהוָ֣ה נֵלֵֽךְ׃
2 ֖עֹמְדוֹת הָי֣וּ רַגְלֵ֑ינוּ ֜בִּשְׁעָרַ֗יִךְ יְרוּשָׁלִָֽם׃
3 יְרוּשָׁלִַ֥ם הַבְּנוּיָ֑ה ֜כְּעִ֗יר שֶׁחֻבְּרָה־לָּ֥הּ יַחְדָּֽו׃
4 שֶׁשָּׁ֨ם עָל֪וּ שְׁבָטִ֡ים שִׁבְטֵי־֖יָהּ עֵד֣וּת לְיִשְׂרָאֵ֑ל ֜לְהֹד֗וֹת לְשֵׁ֣ם יְהוָֽה׃
5 כִּ֤י שָׁ֨מָּה| יָשְׁב֣וּ כִסְא֣וֹת לְמִשְׁפָּ֑ט ֜כִּסְא֗וֹת לְבֵ֣ית דָּוִֽיד׃
6 ֖שַׁאֲלוּ שְׁל֣וֹם יְרוּשָׁלִָ֑ם ֜יִשְׁלָ֗יוּ אֹהֲבָֽיִךְ׃
7 יְהִֽי־שָׁל֥וֹם בְּחֵילֵ֑ךְ ֜שַׁלְוָ֗ה בְּאַרְמְנוֹתָֽיִךְ׃
8 ֖לְמַעַן אַחַ֣י וְרֵעָ֑י אֲדַבְּרָה־נָּ֖א שָׁל֣וֹם בָּֽךְ׃
9 ֖לְמַעַן בֵּית־יְהוָ֣ה אֱלֹהֵ֑ינוּ אֲבַקְשָׁ֖ה ט֣וֹב לָֽךְ׃