123 שִׁ֗יר הַֽמַּ֫עֲל֥וֹת ֖אֵלֶיךָ נָשָׂ֣אתִי אֶת־עֵינַ֑י ֜הַיֹּשְׁבִ֗י בַּשָּׁמָֽיִם׃
2 הִנֵּ֙ה כְעֵינֵ֪י עֲבָדִ֡ים אֶל־יַ֤ד אֲֽדוֹנֵיהֶ֗ם כְּעֵינֵ֣י שִׁפְחָה֘ אֶל־יַ֪ד גְּבִ֫רְתָּ֥הּ כֵּ֣ן ֖עֵינֵינוּ אֶל־יְהוָ֣ה אֱלֹהֵ֑ינוּ ֜עַ֗ד שֶׁיְּחָנֵּֽנוּ׃
3 חָנֵּ֣נוּ יְהוָ֣ה חָנֵּ֑נוּ כִּֽי־֝רַ֗ב שָׂבַ֥עְנוּ בֽוּז׃
4 רַבַּת֘ שָֽׂבְעָה־לָּ֪הּ נַ֫פְשֵׁ֥נוּ הַלַּ֥עַג הַשַּׁאֲנַנִּ֑ים ֜הַבּ֗וּז לגאיונם֯׃