125 שִׁ֗יר הַֽמַּ֫עֲל֥וֹת הַבֹּטְחִ֥ים בַּיהוָ֑ה כְּֽהַר־צִיּ֥וֹן לֹא־֜יִמּ֗וֹט לְעוֹלָ֥ם יֵשֵֽׁב׃
2 יְֽרוּשָׁלִַ֗ם הָרִים֘ סָבִ֪יב לָ֥הּ ֖וַיהוָה סָבִ֣יב לְעַמּ֑וֹ ֜מֵעַתָּ֗ה וְעַד־עוֹלָֽם׃
3 כִּ֤י לֹ֪א יָנ֡וּחַ שֵׁ֤בֶט הָרֶ֗שַׁע עַל֘ גּוֹרַ֪ל הַֽצַּדִּ֫יקִ֥ים לְמַ֡עַן לֹא־יִשְׁלְח֖וּ הַצַּדִּיקִ֨ים בְּעַוְלָ֬תָה יְדֵיהֶֽם׃
4 הֵיטִ֣יבָה ֖יְהוָה לַטּוֹבִ֑ים ֜וְלִֽישָׁרִ֗ים בְּלִבּוֹתָֽם׃
5 וְהַמַּטִּ֤ים עַֽקַלְקַלּוֹתָ֗ם יוֹלִיכֵ֣ם ֖יְהוָה אֶת־פֹּעֲלֵ֣י הָאָ֑וֶן ֜שָׁל֗וֹם עַל־יִשְׂרָאֵֽל׃