126 שִׁ֗יר הַֽמַּ֫עֲל֥וֹת בְּשׁ֣וּב ֖יְהוָה אֶת־שִׁיבַ֣ת צִיּ֑וֹן ֜הָיִ֗ינוּ כְּחֹלְמִֽים׃
2 אָ֤ז יִמָּלֵ֪א שְׂח֡וֹק פִּינוּ֘ וּלְשׁוֹנֵ֪נוּ רִ֫נָּ֥ה ֖אָז יֹאמְר֣וּ בַגּוֹיִ֑ם הִגְדִּ֥יל ֜יְהוָ֗ה לַעֲשׂ֥וֹת עִם־אֵֽלֶּה׃
3 הִגְדִּ֣יל ֖יְהוָה לַעֲשׂ֥וֹת עִמָּ֗נוּ הָיִ֥ינוּ שְׂמֵחִֽים׃
4 שׁוּבָ֣ה ֖יְהוָה אֶת־שׁבותנו ֯ כַּאֲפִיקִ֥ים בַּנֶּֽגֶב׃
5 הַזֹּרְעִ֥ים בְּדִמְעָ֗ה בְּרִנָּ֥ה יִקְצֹֽרוּ׃
6 הָ֮ל֚וֹךְ יֵלֵ֨ךְ| וּבָכֹה֘ נֹשֵׂ֪א מֶֽשֶׁךְ־הַ֫זָּ֥רַע בֹּֽ֬א־יָב֥וֹא בְרִנָּ֑ה ֜נֹשֵׂ֗א אֲלֻמֹּתָֽיו׃