129 שִׁ֗יר הַֽמַּ֫עֲל֥וֹת ֖רַבַּת צְרָר֣וּנִי מִנְּעוּרַ֑י יֹֽאמַר־֜נָא יִשְׂרָאֵֽל׃
2 ֖רַבַּת צְרָר֣וּנִי מִנְּעוּרָ֑י ֜גַּם לֹא־יָ֥כְלוּ לִֽי׃
3 עַל־֖גַּבִּי חָרְשׁ֣וּ חֹרְשִׁ֑ים ֜הֶאֱרִ֗יכוּ למענותם ֯׃
4 יְהוָ֥ה צַדִּ֑יק ֜קִצֵּ֗ץ עֲב֣וֹת רְשָׁעִֽים׃
5 ֖יֵבֹשׁוּ וְיִסֹּ֣גוּ אָח֑וֹר ֜כֹּ֗ל שֹׂנְאֵ֥י צִיּֽוֹן׃
6 ֖יִהְיוּ כַּחֲצִ֣יר גַּגּ֑וֹת שֶׁקַּדְמַ֖ת שָׁלַ֣ף יָבֵֽשׁ׃
7 שֶׁלֹּ֚א מִלֵּ֖א כַפּ֥וֹ קוֹצֵ֗ר וְחִצְנ֥וֹ מְעַמֵּֽר׃
8 וְלֹ֚א אָֽמְר֨וּ| הָעֹבְרִ֗ים בִּרְכַּֽת־יְהוָ֥ה אֲלֵיכֶ֑ם בֵּרַ֥כְנוּ ֜אֶתְכֶ֗ם בְּשֵׁ֣ם יְהוָֽה׃