130 שִׁ֥יר הַֽמַּעֲל֑וֹת מִמַּעֲמַקִּ֖ים קְרָאתִ֣יךָ יְהוָֽה׃
2 אֲדֹנָי֘ שִׁמְעָ֪ה בְק֫וֹלִ֥י תִּהְיֶ֣ינָה ֖אָזְנֶיךָ קַשֻּׁב֑וֹת ֜לְק֗וֹל תַּחֲנוּנָֽי׃
3 אִם־עֲוֹנ֥וֹת תִּשְׁמָר־יָ֑הּ ֜אֲדֹנָ֗י מִ֣י יַעֲמֹֽד׃
4 כִּֽי־עִמְּךָ֥ הַסְּלִיחָ֑ה ֜לְמַ֗עַן תִּוָּרֵֽא׃
5 קִוִּ֣יתִי ֖יְהוָה קִוְּתָ֣ה נַפְשִׁ֑י וְֽלִדְבָר֥וֹ הוֹחָֽלְתִּי׃
6 נַפְשִׁ֥י לַֽאדֹנָ֑י מִשֹּׁמְרִ֥ים ֜לַבֹּ֗קֶר שֹׁמְרִ֥ים לַבֹּֽקֶר׃
7 יַחֵ֥ל יִשְׂרָאֵ֗ל אֶל־יְה֫וָה כִּֽי־עִם־יְהוָ֥ה הַחֶ֑סֶד וְהַרְבֵּ֖ה עִמּ֣וֹ פְדֽוּת׃
8 ֖וְהוּא יִפְדֶּ֣ה אֶת־יִשְׂרָאֵ֑ל ֜מִכֹּ֗ל עֲוֹנֹתָֽיו׃