150 הַ֥לְלוּ יָ֙הּ| הַֽלְלוּ־אֵ֥ל בְּקָדְשׁ֑וֹ ֜הַֽלְל֗וּהוּ בִּרְקִ֥יעַ עֻזּֽוֹ׃
2 הַֽלְל֥וּהוּ בִגְבוּרֹתָ֑יו ֜הַֽלְל֗וּהוּ כְּרֹ֣ב גֻּדְלֽוֹ׃
3 ֖הַֽלְלוּהוּ בְּתֵ֣קַע שׁוֹפָ֑ר ֜הַֽלְל֗וּהוּ בְּנֵ֣בֶל וְכִנּֽוֹר׃
4 ֖הַֽלְלוּהוּ בְתֹ֣ף וּמָח֑וֹל ֜הַֽלְל֗וּהוּ בְּמִנִּ֥ים וְעוּגָֽב׃
5 הַֽלְל֥וּהוּ בְצִלְצְלֵי־שָׁ֑מַע ֜הַֽלְל֗וּהוּ בְּֽצִלְצְלֵ֥י תְרוּעָֽה׃
6 כֹּ֣ל ֖הַנְּשָׁמָה תְּהַלֵּ֥ל יָ֗הּ הַֽלְלוּ־יָֽהּ׃