47 לַמְנַצֵּ֬חַ| לִבְנֵי־קֹ֬רַח מִזְמֽוֹר׃
2 כָּֽל־֖הָעַמִּים תִּקְעוּ־כָ֑ף הָרִ֥יעוּ ֜לֵאלֹהִ֗ים בְּק֣וֹל רִנָּֽה׃
3 כִּֽי־יְהוָ֣ה עֶלְי֣וֹן נוֹרָ֑א מֶ֥לֶךְ ֜גָּדוֹל עַל־כָּל־הָאָֽרֶץ׃
4 יַדְבֵּ֣ר עַמִּ֣ים תַּחְתֵּ֑ינוּ ֜וּלְאֻמִּ֗ים תַּ֣חַת רַגְלֵֽינוּ׃
5 יִבְחַר־לָ֥נוּ אֶת־נַחֲלָתֵ֑נוּ אֶ֥ת גְּא֨וֹן יַעֲקֹ֭ב אֲשֶׁר־אָהֵ֣ב סֶֽלָה׃
6 עָלָ֣ה ֖אֱלֹהִים בִּתְרוּעָ֑ה ֜יְהוָֹ֗ה בְּק֣וֹל שׁוֹפָֽר׃
7 זַמְּר֣וּ אֱלֹהִ֣ים זַמֵּ֑רוּ זַמְּר֭וּ לְמַלְכֵּ֣נוּ זַמֵּֽרוּ׃
8 כִּ֤י מֶ֖לֶךְ כָּל־הָאָ֥רֶץ אֱלֹהִ֗ים זַמְּר֥וּ מַשְׂכִּֽיל׃
9 מָלַ֣ךְ ֖אֱלֹהִים עַל־גּוֹיִ֑ם ֜אֱלֹהִ֗ים יָשַׁ֤ב| עַל־כִּסֵּ֬א קָדְשֽׁוֹ׃
10 נְדִ֮יבֵ֤י עַמִּ֨ים| נֶאֱסָ֗פוּ עַם֘ אֱלֹהֵ֪י אַבְרָ֫הָ֥ם כִּ֣י ֖לֵֽאלֹהִים מָֽגִנֵּי־אֶ֗רֶץ מְאֹ֣ד נַעֲלָֽה׃