54 לַמְנַצֵּ֥חַ בִּנְגִינֹ֗ת מַשְׂכִּ֥יל לְדָוִֽד׃
2 בְב֣וֹא ֖הַזִּיפִים וַיֹּאמְר֣וּ לְשָׁא֑וּל הֲלֹ֥א ֜דָוִ֗ד מִסְתַּתֵּ֥ר עִמָּֽנוּ׃
3 ֖אֱלֹהִים בְּשִׁמְךָ֣ הוֹשִׁיעֵ֑נִי וּבִגְבוּרָתְךָ֥ תְדִינֵֽנִי׃
4 ֖אֱלֹהִים שְׁמַ֣ע תְּפִלָּתִ֑י ֜הַאֲזִ֗ינָה לְאִמְרֵי־פִֽי׃
5 כִּ֤י זָרִ֨ים| קָ֤מוּ עָלַ֗י ֖וְֽעָרִיצִים בִּקְשׁ֣וּ נַפְשִׁ֑י לֹ֚א שָׂ֨מוּ אֱלֹהִ֖ים לְנֶגְדָּ֣ם סֶֽלָה׃
6 הִנֵּ֣ה ֖אֱלֹהִים עֹזֵ֣ר לִ֑י ֜אֲדֹנָ֗י בְּֽסֹמְכֵ֥י נַפְשִֽׁי׃
7 ישׁוב ֯ ֖הָרַע לְשֹׁרְרָ֑י ֜בַּאֲמִתְּךָ֗ הַצְמִיתֵֽם׃
8 בִּנְדָבָ֥ה אֶזְבְּחָה־לָּ֑ךְ א֚וֹדֶה שִּׁמְךָ֖ יְהוָ֣ה כִּי־טֽוֹב׃
9 כִּ֣י מִכָּל־֖צָרָה הִצִּילָ֑נִי ֜וּבְאֹיְבַ֗י רָאֲתָ֥ה עֵינִֽי׃