8 לַמְנַצֵּ֥חַ עַֽל־הַגִּתִּ֗ית מִזְמ֥וֹר לְדָוִֽד׃
2 יְהוָ֤ה אֲדֹנֵ֗ינוּ מָֽה־אַדִּ֣יר ֖שִׁמְךָ בְּכָל־הָאָ֑רֶץ אֲשֶׁ֥ר תְּנָ֥ה ֜הוֹדְךָ֗ עַל־הַשָּׁמָֽיִם׃
3 מִפִּ֤י עֽוֹלְלִ֨ים| וְֽיֹנְקִים֘ יִסַּ֪דְתָּ֫ עֹ֥ז לְמַ֥עַן צוֹרְרֶ֑יךָ לְהַשְׁבִּ֥ית ֜אוֹיֵ֗ב וּמִתְנַקֵּֽם׃
4 כִּֽי־אֶרְאֶ֣ה ֖שָׁמֶיךָ מַעֲשֵׂ֣י אֶצְבְּעֹתֶ֑יךָ יָרֵ֥חַ ֜וְכוֹכָבִ֗ים אֲשֶׁ֣ר כּוֹנָֽנְתָּה׃
5 מָֽה־אֱנ֥וֹשׁ כִּֽי־תִזְכְּרֶ֑נּוּ וּבֶן־֜אָדָ֗ם כִּ֣י תִפְקְדֶֽנּוּ׃
6 וַתְּחַסְּרֵ֣הוּ ֖מְּעַט מֵאֱלֹהִ֑ים וְכָב֖וֹד וְהָדָ֣ר תְּעַטְּרֵֽהוּ׃
7 ֖תַּמְשִׁילֵהוּ בְּמַעֲשֵׂ֣י יָדֶ֑יךָ ֜כֹּל שַׁ֣תָּה תַֽחַת־רַגְלָֽיו׃
8 צֹנֶ֣ה וַאֲלָפִ֣ים כֻּלָּ֑ם ֜וְגַ֗ם בַּהֲמ֥וֹת שָׂדָֽי׃
9 צִפּ֣וֹר ֖שָׁמַיִם וּדְגֵ֣י הַיָּ֑ם ֜עֹבֵ֗ר אָרְח֥וֹת יַמִּֽים׃
10 יְהוָ֥ה אֲדֹנֵ֑ינוּ מָֽה־אַדִּ֥יר ֜שִׁמְךָ֗ בְּכָל־הָאָֽרֶץ׃