87 לִבְנֵי־קֹ֭רַח מִזְמ֣וֹר שִׁ֑יר ֜יְסוּדָת֗וֹ בְּהַרְרֵי־קֹֽדֶשׁ׃
2 אֹהֵ֣ב ֖יְהוָה שַׁעֲרֵ֣י צִיּ֑וֹן ֜מִכֹּ֗ל מִשְׁכְּנ֥וֹת יַעֲקֹֽב׃
3 ֖נִכְבָּדוֹת מְדֻבָּ֣ר בָּ֑ךְ עִ֖יר הָאֱלֹהִ֣ים סֶֽלָה׃
4 אַזְכִּ֤יר| רַ֥הַב וּבָבֶ֗ל לְֽיֹ֫דְעָ֥י הִנֵּ֤ה פְלֶ֣שֶׁת וְצ֣וֹר עִם־כּ֑וּשׁ ֜זֶ֗ה יֻלַּד־שָֽׁם׃
5 וּֽלֲצִיּ֙וֹן| יֵאָמַ֗ר אִ֣ישׁ ֖וְאִישׁ יֻלַּד־בָּ֑הּ וְה֖וּא יְכוֹנְנֶ֣הָ עֶלְיֽוֹן׃
6 יְֽהוָ֗ה ֖יִסְפֹּר בִּכְת֣וֹב עַמִּ֑ים זֶ֖ה יֻלַּד־שָׁ֣ם סֶֽלָה׃
7 וְשָׁרִ֥ים כְּחֹלְלִ֑ים כָּֽל־מַעְיָנַ֥י בָּֽךְ׃