SANS INDICATION DE DATE.
(V. Raynouard,… t. II, p. 1o3 et suiv.)
|
La sancta Trinita nos don (done) parlar
Cosa que sia d’onor e de gloria, E que al perfeit de tuit poysa tornar, E a li auvidor done atalentement Qu’ilh metan la volunta e lo cor A entendre ben li nostre parlament. … De quatre element ha Dio lo mont forma, Fuoc, ayre, ayga, e terra son nomma ; Stelas e planetas fey de fuoc ; L’aura e lo vent han en l’ayre lor luoc ; L’ayga produy Ii oysel e li peyson, La terra li jument e Ii ome fellon. La terra e lo plus vil de li quatre element De lacal fo fayt Adam payre de tota gent. O fanc ! o polver ! or te ensuperbis ! O vaysel de miseria ! or te enorgolhosis ! Horna te ben, e quer vana beota ; La fin te mostrare que tu aures obra. … Regarda enamps al nostre naisament De cant sia de valor lo nostre vestiment ; Nu al mont venen e nu nos en retornen, Paure n’intren e cum paureta salhen ; E rics e paures han aytal intrament ; Segnors et serf han aytal issament. |
|
…
Car, segont lo mio semblant, li veo mot fort errar, Car ilh laisan lo ben e obran mot fort lo mal ; Tuit laisan de far ben per temor de la gent, Li autre per cubititia d’amassar or e argent ; Li autre aman tant l’onor e lor play lo deleit Que poc curan d’obrar per que ilh stan eleit ; Ben volrien paradis a cant per desirar, Ma czo per que el s’aquista non volrien gaire far. … Ma yo prego Dio lo paire et lo seo Filh glorios E lo Sant Sperit, local es de ambedos, Que salve tuit que auviren las leyczos E que las garderon segont czo qu’es raczon : Ben volrio que tuit aquilh que son al temp present Aguessan volunta, poer e entendament De servir aquel Segnor, local promet e a tent, Local dona riqueczas mot abundivolment, Deleicz e grant honor, sencza defalhiment. Per las tres cosas dictas ven l’obra a compliment ; Cant l’ome ha volunta e poer e entendament, Adonca fay lo servici qu’es a Dio mot plazent ; Ma cant el ha sapiencia e non ha lo poer, Dio li o reconta per fait, tant el a bon voler : Ma cant el a poisancza et grant entendament , Li profeita mot poc, cant al seo salvament, Si el non complis per obra, pois qu’el ha la volunta ; Cant venre al judici, el sere mot condempna : Ma si alcun ha volunta de ben far E ha la poysencza qu’el poiria ben obrar, Si el non ha la sapiencia, el non se po salvar, Car la mesconoisencza lo fay mot fort errar. Besogna es qu’el entenda cal cosa es ben e mal, E ava grant fortalecza en ben perseverar, E porta en paciencia, cant el aure adversita, E ame Dio sobre tot per bona volunta E enamps si lo proyme per via de carita, Que li autre sian maior en sapiencia e bonta. Donca sapiencia nos ensegna, si nos lo volen tenir, Que nos deven amar Dio e temer e servir E aver veraya fe en li sio compliment, Ço es obra vertuosa e dreit entendament : Pois, recebren la gloria que l’esperancza atent. Servan donca aquel Segnor que la sapiencia di, Local es mot poisant e savi asi, Just e bon e mot misericordios, Local es Rey de li rey e Segnor de li segnor. Mot son fora sen aquilh que laisan tal Segnor Per servir aquest mont de que n’auren mal guiardon ; Ma qui regarda ben a home d’aquest mont, Car ilh non han sapiencia, son en motas errors , Car non es sinon un Dio e ilh en colon plusiors. … Breoment es reconta, en la rasson qu’es dita , De quatre serviment que son fait en la vita ; Lo premier es mot van, czo es de servir lo mont, Car el trapassare e perdre son guiardon ; Lo segont es mot vil, czo es de servire lo cors ; Verm manjaren la earn, e deffalhiren li os. Ma lo tercz es mot greo, czo es servir l’enemis, L’arma sere tormenta e lo cors sere puni ; Cant el sere rexucita al dia del jujament, Recebre tal sentencia de que el sere dolent. Ma lo quart es mot degne, co es de servir lo Segnor, Aquilh seren benaura que auren fait tal lavor ; Rey seren corona, e jujaren lo mont. Donca aquilh que diczon qu’ilh se volon tenir Cum la maior partia, per istar plus segur, Que non regardan ilh cum la pensa avisa En la raczon scripta qu’es ayci recointa ? Las tres part son perduas e la quarta salva : E l’ Avangeli di, local Xrist a parla, Que poc son li eleit et moti li appella : Co son li doze apostol, lical foron eleit, Per segre lo Segnor layseron lo deleyt : Aquilh que son serf de Xrist tenon aquella via Ma ilh son en aquest mont petita compagnia ; Ma ilh son mot conforta de Xrist, lo lor Segnor, Car ilh recebren lo regne per paya del lavor, E auren en aiuto en l’ost celestial tota via en lor, Que neun non po comtar cant es grant compagnia. Adonca li fellon seren mot engana ; Ma a tart conoiseren qu’ilh auren mal obra ; Adonca sere fait cambi d’un chascun istant. Aquilh que han czai lo deleyt auren lay lo torment ; Ma li serf del Segnor, que han czai tribulacion, Auren lay eternal gloria e grant consolacion. Ben aura seren aquilh que sen de li perfeit, Cant la sere compli lo nombre de li eyleit ; La poisencza del Payre e la sapiencia del Filh E la bonta del Sant Sperit nos garde tuil D’enfern, e nos done paradis ! Amen. |
|
Aquest novel confort de vertuos lavor
Mando, vos scrivent en carita e en amor : Prego vos carament per l’amor del Segnor ; Abandona lo segle, serve a Dio cum temor. Vos dorme longament en la vostra trislicia, Vos non vole velhar, car segue la pigricia Beaument repausar al leyt d’avaricia Faczent a vostre cap coysin de cubiticia. Tota la vostra vida es un petit dormir ; Dorment vos soyma un soyme de plazer ; Par a vos que votre soyme non poisa deffalhir, Mout sbay sere e trist al resperir. Al vostre van soyme vos have tal deport ; Subitanament vos ferre lo baston de la mort, E vos revelhare e istare a mal port ; Non aure parent ni riqueczas que vos done confort. … Lo cors sere pausa en una fossa scura, L’esperit rendre rasson segont la dreitura, E non sere scusa per plor ni per rancura : De tot sere paga, mesura per mesura. … Moti segon lo mont per gran mesconoisencza ; Non conoysent Dio, istant en mescresencza, Van per la via mundana, coma bestial contenencza, Non sabon servir Dio, ni far veraia penedencza. Car si la dreita via auviren clarament, Ja per czo non la creon ni donan l’auviment ; Lo demoni lor orba l’olh de l’entendament, Si que en lor non s’apilha la divina semencz. … Car tant meton la cura en la vita present, En lor malvasa carn nurir delicament, En manjar e en beore, e viore grassament ; Tuit li lor desirier volon complir entierament. Car plusor son tempta cum falsa temptacion, Encontra l’Escriptura meton lor entencion, E la septas carnales meton lor devocion Cum lascals lo demoni li tira a perdecion. … Serf son del Segnor, segna del seo sagel ; Yeshu Xrist li apella lo seo petit tropel : Aquesti son sas feas e seo veray agnel, Sovent son persegu de li malvacz rabel. Aquesti bon agnel segon lo lor pastor, E ben conoisen lui, e el mesme conois lor, E li apella per nom e vay devant lor : Ilh auvon la soa vocz placzent cum daczor. E li mena paiser al camp sperital ; Troban mota pastura mot substancial, No manjaren herba mala ni pastura mortal ; Ma son pagu del pan vivent et celestial. A la fontana de vita li mena cum deport, Bevon ayga preciosa que lor dona confort ; Tot home que en beore es de si nobla sort Que mais nos aure mangana, non tastare la mort. Lo nostre bon pastor lo seo tropel amava, E per li seo agnel la soa vita pausava, La volunta del payre el lor annunciava, La via de salvacion ben lor amonstava. … Lo goy e la grant gloria no se po recontar Non es home vivent que al cor poisa pensar, Ni lenga tant subtil que sapia tant parlar, Ni vista d’olh si clara que poissa regardar. O car amic ! leva vos del dormir, Car vos non sabe Fora que Xrist deo venir ; Velha tota via de cor en Dio servir, Per istar a la gloria, laçai non deo fenir. Ara vena al dia clar, e non sia negligent, Tabussa a la porta, facze vertuosament, E lo Sant Sperit vos hubrire dooczament E amenare vos a la gloria del cel verayament. Vene e non attenda a la noyt tenebrosa Lacal e mot scura, orribla, espavantosa ; Aquel que ven de noyt, ja l’espos ni l’esposa Non hubrire a lui la porta preciosa. Amen. |
|
…
Regniador humil e misericordios, Dona a li cresent en tu corage d’esser bon, E li autre convertis per li teo predicator. Consolador dreiturier, sant e principal, Purifica la mia arma de tot pecca mortal, Planta hi las vertucz e dereycza li venial. Rey glorios, regnant sobre tuit li regne, Fay me regnar cum tu al tio celestial regne, Que yo cante cum tuit li sant e sempre laudar te degne. Heretier gracios de tuit li bon tresor, Dona viva sperancza e conforta lo mio cor, E a mi e a tuit li meo dona del tio tresor. Peng ferm e non movivol de la nostra hereta, Dona me ayci tastar de la tua grant bonta, Que la virtucz sian docza e aina sian li pecca. Governador eternal de totas las creaturas , Hosta de nos li vicii, e repara las figuras, Que luczan de vertu, e mai non sian scuras. … Agnel de Dio verai, non noisent que toiles li pecca, Mena me al mont de Sion alegre e mout segur seguent li non socza, En herbas verdiant e flors ben odorant lav sia de tu garda. Conselhador fidel, merevilhos et fort, Conselha lo tio poble qu’es tormenta a tort Que abandone aquest mont per venir al tio ort. Engenrador de li vio, lume merevilhos e grant, Totas cosas son aymas, li tio olh regardant, Tu sies garda de li ome, de li petit e de li grant. … Pastor grant e bon de las feas seguent tu, Garda las d’ors e de leon et de lop mesconegu ; Enayma tu conoises lor, fay lor conoiser tu. … Advocat entendent en leys e en decretals, Enver Dio nostre Paire parlla per nos mortals, Que per t’amor nos facza heritadors celestials. … Evesque pur, sant e fidel, segont adam, Huffre nos al tio Dio come fey son filh Abram , Pan vio e quotidian, garda nos de tota desregla fam. Amistancza divina, de gracios istament, Dona veraya amistancza al mio entendament, Que cum tu volh e non volha un meseyme faczament. Trinita benignissima, premiera volunta, Contra ton bon placzer han li fellon obra , Ma segont un tio voler non po esse contrasta. |
|
O karissimes ! mete ayci la vostra cura,
Car lo es per la divina Scriptura, Que alcun no meta esperancza ni l’amor En la cosas del mont que menan a dolor ; E calque cal Yeshu Xrist vol amar Lo mont mesquin el deo forment irar ; E czo que lo mont ama e ten per doocz , El deo tenir per amar e per mot verumos ; E come grant spucza e greo verus mortal La pompa e l’onor del mont el deo fortment squiar ; E coma stercora bruta deo irar son onor, E al regne del eel sospirar per grant vigor. … O fraire karissime ! al mont non te allegrar, Car la mort per aventura deman t’en ven menar ; A la crudella mort tu non pocz contrastar Per neun pat ni raczon que tu li poisas trobar. … Ara seria vengu lo temp de plorar E de aver grant dolor e greoment sospirar ; Ara seria temp de menar grant gayment E tuit li nostre pecca plorar devottament. … Nos tuit veyen lo mont miser e doloiros Perir sot la mort e non aver recors. … E non ha d’alcun neuna marczeneiancza ; A li duc e a li princi ilh est mot cuminal, A jove asi a velh ilh non vol perdonar ; Per alcun enging non po scampar lo fort Qu’el non sia atrissa sot lo pe de la mort. … Car la vita breo passa come lo legier vent E coma umbra, e fuz, ilh torna a nient. De cal te rsconprare, cant la mort te aucire ? Car pat ni convenencza la mort non recebre ; L’or ni l’argent non te secorrare Ni preguiera d’amic non te desliorare. … Donca obren viaczament lo ben que nos poen far, Car la mort non cessa tot jorn de menaczar ; Ni en la cosas del mont non volhan sperar, Ma meten la nostra sperancza en li ben celestial. Lo fol es enganna en l’amor de la vita present, Ma lo savi conoys cant sia plena de torment ; La bellecza e lo tresor del mont compara A la flor del camp, lacal es noblament honra. Que, cant ilh es talha, subitament secca Depois que la calor del solelh la tocha, E la bellecza qu’ilh avia premierament Es tost torna a grant defformament. L’onor del mont yo te vol recontar, A czo que tu entendas e non poisas denegar Cant sia breo e cant poc po durar Tota poisencza terrena e real segnoria. … Vos poe tuit conoiser que non ha grant profeit En possessions de terras, ni en li autre grant deleit, Ni entorre, ni en palays, ni en grant maisonament, Ni en taulas, ni en convitis, ni en li grant manjamerit, Ni en li leyt honorivol, ni en li bel parament, Ni en vestimentas claras e fortment resplandent, Ni en grecz de bestias, ni en lavor de moti camp, Ni en bellas vignas, ni en ort, ni en jardin grant, Ni en moti filh, ni en autra grant familha, Ni en autre honor mondan tornant coma favilla ; Cal es donca lo savi que ha cura d’aquistar Ço que cum lavor s’aquista et tant poc po durar ! Aquel non ista segur ni mot ben alloga Local po esser de la mort subittament arappa. |
|
Ara parllen de l’Evangeli de li quatre semencz
Que Xrist parlava al segle present, Per que el agues al mont alcun comenczament De la soa creatura engenra novellament. Lo semenador lo seo semencz semenava ; L’una tombe en la via : fruc non germenava E non poya naiser, la reycz non apilhava ; Li ome la calpisavan, li oysel la devoravan. L’autre entra las peyras non faczia profeictancza ; Sentent la calor seche senza demorancza ; L’autre entra la spinas hac grant soffogancza, E non poya far fruc ni bona comportancza. L’autre en la bona terra dreitament creisia, Faczent bona spia dreita e ben compIia ; Lo seo coltivador dreitament reculhia ; Per una, cent o cinquanta o trenta en reculhia. L’EvangeIista demostra qui es lo seminador : Aquest e Yeshu Xrist , lo nostre Salvador, Rei de li rei, Princi de li pastor, Semenant la grana del celestial lavor. Aquesta semencza era la soa prédication, Lacal el semenava cum grant affeccion ; Ma souvent encontrava a grant temptacion : Tombant en vil terra suffria detrucion. Car li oysel de l’ayre venon a batalhar; Al bon semenador pur volen contrastar : Tota la soa semencza queron a devorar, Car en motas manieras la provan de temptar. Aquisti fals oysel son li maligne sperit : La Scriptura o demostra e en l’Evangeli es script ; E volen devorar lo tropellet petit Del es bon pastor le Segnor Yeshu Xrist. Quant aquisti oysel troban 1o semencz Spars per la via, sencza coltivament, Que non ha raicz, ni pres renaissament, De present lo rabisson molt crudellment. … Ma cant 1o semenador semena lo semencz, L’una tomba en las peyras ont ha poc aliment ; E, car hi a poc terra, en salh subitament, Ma fay petita reicz e caitio portament. Cant aquesta semencza es de terra salhia, IIh non ha ferma reicz, ni la meolla complia, Es arsa del solelh e de grant calor feria ; Enayma torna secca e sencza vigoria. Aquesti sont aquilh que, cant home lor amonesta Que auvon la parolla e l’escoutan cum festa ; Volentier la recebon, e ben lor par honesta : Mas trop sen temporal e de cativa gesta. E de present qu’ilh senton la perseguecion, Un poc d’espavent, o de tribulacion, Ilh renean e laysan la predicacion Lacal ilh scoutavan cum tanta devocion. … Lo lor adversari, l’enemic eternal, Dragon, serpent antic, plen de venincz mortal, Local es Satanas , semenador de li mal, Mesclava lo seo jolh cum lo semencz real. Aquesta mala herba, semencza de tristicia, Ço son li filh fellon, plen de tota malicia ; De persegre li just han mota cubit icia, Volent lor desviar la divina justicilt. Tribulations lor dona e li trabalha fort, Faczent a lor motas angustias e torment entro a la mort ; Ma li just son ferm ; en Xrist han lor confort ; Al regne de paradis istaren cum deport. Emperczo temon Dio, gardan se de mal far ; La ley del Segnor s’efforczan de gardar E totas adversitas en paciencia portar, Entro que sia rengu lo temp del meisonar. E cant Xrist fare lo grant jujament, Dire a li seo angel : « Facze depertiment » Entre li benaura e la mala semencz. » Adonca li fellon seren trist e dolent. Car lo Segnor Yeshu Xrist, la divina sapiencía, Donare encontra lor mot amara sentencia, Diczent : « Departe vos de la mia presencia, » Deisende en l’enfern, en grant pestelencia. » Car aczo es la paya de Ii vostre lavor » E de li vostre desirier ; faczent sencza temor, » Servent al vostre cors, ave laisa lo Segnor ; » Vos possessire grant pena, plorament e dolor. » Recebre heretage que ja non po morir, » Crudel serpent verumoz que ja non po finir, » E l’aspre foc ardent vos convere suffrir ; » Ja de la tenebra scura vos non poire issir. » Adonca el parllare cum placzent alegressa A li seo benaura compli de fortalecza : « Vene a possesir lo regne de bellecza , » Mays non senture plor, ni dolor, ni désirez a. » Enayma lo bon pastor ben li amonesta, Liorare a lor lo regne del Payre cum festa ; Non temeren l’adversari ni la soa mala gesta, Ni la soa temptacion plena de gran tempesta. Cum lo celestial Paire auren lor compagnia, Portaren real corona de grant segnoria, Preciosa, e nobla, e de bellecza complia ; En solacz e en deport sere tota lor via. Car seren filh de Dio, payre d’umilita, Possesiren la gloria per propria heredita, Seren angels glorios, luczent en carita ; Per tuit temp istaren devant la sancta Trinita. Amen. |